::+: أتصل بنا (راسلنا) :+::
  التسجيل ::+: الواجهه الرئيسيه للموقع :+:: ::+: أتصل بنا (راسلنا) :+::  
::+: الواجهه الرئيسيه للموقع :+::

العودة   منتدى الأزهريين > الموضوعات العامة
   

إضافة رد
 
أدوات الموضوع انواع عرض الموضوع
  #1  
قديم 10-01-2017, 12:53 AM
المصري المصري غير متواجد حالياً
مشارك
 
تاريخ التسجيل: Feb 2014
المشاركات: 85
افتراضي انواع الشخصيات




بسم الله والصلاة والسلام على رسول الله .. وبعد

معرفة انواع الشخصيات وكيفية التعامل مع كل نمط مع مراعاة اختلاف طبائعهم واحتياجاتهم امر لازم وضروري لكل من يريد ان يصبح متميزا في علاقاته الاجتماعية



هنا بنقول ببساطة ان مانقوله ونفعله ببساطة هو نتيجة خبراتنا ومبادئنا وسلومياتنا بالاضافة للليئة والجينات والتربية
زي الجبل الجليدي
مايظهر من الجبل فقط قمته هو اقوالنا وافعالنا
وباقي الجبل الغير ظاهر هو مبادئنا وافكارنا وخبراتنا وتوجهاتنا
وعلشان نفهم اي سلوك او اقوال وافعال الاخريين لازم نفهم ماوراء ذلك من افكار ومباديء ومفاهيم لدى الاخرين
مش بس كدة
علشان نقدر نفهم نفسنا وافعالنا وسلوكياتنا لازم نفهم ده في ضوء افكارنا ومبادئنا ومانحمله من اعتقادات

احنا هنا مش هاناقش التغيير ولكن هاناقش كيفية معرفة الشخصيات المختلفة وكيفية التعامل معها




الشخصيات بيتم تقسيمها بناءا على محوريين اساسيين
المحور الافقي بيسمى الحزم والسيطرة
الشخصيات اللي عندها الحزم والسيطرة قليلة بتلاقيها بتتكلم قليل بتسمع اكتر صوتها واطي ورأيها محرد وجهة نظر او اقتراح ممكن تتراجع عنه
وبتلاقيها بتتجنب النظر المباشر لعينك حركة ايديها افقي وبيرجع دايما للوراء لو قاعد مع جروب وبياخد دور ملحوظ بس مش واضح
والعكس عند الناس اللي الحزم عندهم عالي بيتكلموا اكتر ويسمعوا اقا صوتهم عالي ورأيهم قوي وصح في اعتقادهم صعب يغيروه وصوتهم عالي
بينظروا لعين من امامهم وبقوة وتحدي وحركة ايديهم رأسية وبيميل للامام لما بيكونوا مع جروب وبياخدوا ادوار بارزة وواضحة
بيحبوا دايما يكونوا في المقدمة

اما المحور الرأسي فهو الاستجابة والانفعال
الناس اللي عندهم الاستجابة والانفعال واطي فده معناه القدرة على السيطرة على العواطف
بيكون كلامهم رسمي مبني على الادلة والحقائق
تون صوتهم واحد وهادي
حركة ايديهم محدودة ولبسه بزنس ورسمي
بيكون وشهم بوكر بمعنى ماتشوفش اي انفعال واضح على وشهم وبالتالي ماتعرفش هو حاسس بإيه
بيحبوا دايما تكون في مسافة بينهم وبين اللي قصادهم
على العكس بقى اللي بيكون الاستجابة عندهم عالي
بمعنى بيتأثر بسرعة ويبان عليه
كلامهم مش رسمي وبيميلوا للقصص والحكايات
دايما بيميلوا للعواطف والمشاعر اكتر من الحقائق والوقائع
نغمة صوتهم متغيرة ومش على وتيرة واحدة
بيستخدموا ايديهم كتيير وبيلبسوا كاجول
وشهم بيكون معبر وتقدر تعرف اللي جواهم بسهولة
بيحبوا يحونوا قريبين من الناس ومافيش مسافات مابينهم

لما تيجي بقى تركب المحوريين على بعض تظهر الشخصيات اللي في الصورة اللي فوق

الشخصية الاولى (Analytical) او التحليلية
دول بقى عندهم مستوى الحزم قليل والاستجابة قليلة
يعني هتلاقيها بتتكلم قليل بتسمع اكتر صوتها واطي ورأيها محرد وجهة نظر او اقتراح ممكن تتراجع عنه
وبتلاقيها بتتجنب النظر المباشر لعينك حركة ايديها افقي وبيرجع دايما للوراء لو قاعد مع جروب وبياخد دور ملحوظ بس مش واضح وكمان هاتلاقي كلامهم رسمي مبني على الادلة والحقائق
تون صوتهم واحد وهادي
حركة ايديهم محدودة ولبسه بزنس ورسمي
بيكون وشهم بوكر بمعنى ماتشوفش اي انفعال واضح على وشهم وبالتالي ماتعرفش هو حاسس بإيه
بيحبوا دايما تكون في مسافة بينهم وبين اللي قصادهم

من الاخر
بيسمعوا ويسألوا واللي يقنعهم الحقائق فقط

الشخصية التانية ( Driver) او المسيطرة او القائدة
ده زي الشخصية التحليلية في قصة الاستجابة والمشاعر
هاتلاقيه كلامهم رسمي مبني على الادلة والحقائق
تون صوتهم واحد وهادي
حركة ايديهم محدودة ولبسه بزنس ورسمي
بيكون وشهم بوكر بمعنى ماتشوفش اي انفعال واضح على وشهم وبالتالي ماتعرفش هو حاسس بإيه
بيحبوا دايما تكون في مسافة بينهم وبين اللي قصادهم
بس عكسه في الحزم والسيطرة
هاتلاقيه بيتكلموا اكتر ويسمعوا اقل صوتهم عالي ورأيهم قوي وصح في اعتقادهم صعب يغيروه وصوتهم عالي
بينظروا لعين من امامهم وبقوة وتحدي وحركة ايديهم رأسية وبيميل للامام لما بيكونوا مع جروب وبياخدوا ادوار بارزة وواضحة
بيحبوا دايما يكونوا في المقدمة

من الاخر هو بيحكمه الحقائق بس مايحبش حد يوجهه
بيتكلم اكتر ويسمع اقل

الشخصية التالتة ( Amiable) او الودودة
هي عكس القائدة تماما هاتلاقيها بتتكلم قليل بتسمع اكتر صوتها واطي ورأيها محرد وجهة نظر او اقتراح ممكن تتراجع عنه
وبتلاقيها بتتجنب النظر المباشر لعينك حركة ايديها افقي وبيرجع دايما للوراء لو قاعد مع جروب وبياخد دور ملحوظ بس مش واضح
وكمان بيتأثروا بسرعة ويبان عليهم
كلامهم مش رسمي وبيميلوا للقصص والحكايات
دايما بيميلوا للعواطف والمشاعر اكتر من الحقائق والوقائع
نغمة صوتهم متغيرة ومش على وتيرة واحدة
بيستخدموا ايديهم كتيير وبيلبسوا كاجول
وشهم بيكون معبر وتقدر تعرف اللي جواهم بسهولة
بيحبوا يحونوا قريبين من الناس ومافيش مسافات مابينهم

هو زي الشخصية التحليلية بيسمعوا اكتر بس بيحكمهم المشاعر والاحاسيس
والنوعية دية بيكونوا اتباع مش قادة
لانهم ممكن يغيروا رأيهم بسرعة ومابيحبوش يخسروا حد او يزعلوا حد

الشخصية الرابعة والاخيرة هي ( Expressive) او المعبرة
عكس الشخصية التحليلية تماما
فهاتلاقيهم بيتكلموا اكتر ويسمعوا اقل صوتهم عالي ورأيهم قوي وصح في اعتقادهم صعب يغيروه وصوتهم عالي
بينظروا لعين من امامهم وبقوة وتحدي وحركة ايديهم رأسية وبيميل للامام لما بيكونوا مع جروب وبياخدوا ادوار بارزة وواضحة
بيحبوا دايما يكونوا في المقدمة
وكمان بيتأثروا بسرعة ويبان عليهم
كلامهم مش رسمي وبيميلوا للقصص والحكايات
دايما بيميلوا للعواطف والمشاعر اكتر من الحقائق والوقائع
نغمة صوتهم متغيرة ومش على وتيرة واحدة
بيستخدموا ايديهم كتيير وبيلبسوا كاجول
وشهم بيكون معبر وتقدر تعرف اللي جواهم بسهولة
بيحبوا يحونوا قريبين من الناس ومافيش مسافات مابينهم
من الاخر بيحبوا يتكلموا ومايحبوش حد يوجههم واللي يحكمهم المشاعر والاحاسيس والحكايات مش الحقائق

طيب ازاي نتعامل معاهم وايه التحدي اللي هايواجهنا معاهم
ده في الصورة اللي جاية





بالنسبة للشخصية التحليلية فهو عاوز دايما يكون صح ويعمل الصح
دايما بيميل للتقيم والنقد والتحليل
التحدي الحقيقي انه يغير قناعاته
بس لو اقتنع خلاص
واقناعه بالدليل والمصادر المعتمدة مش بالحكاوي والقصص

اما الشخصية القائدة او المسيطرة فهو عاوز نتائج مش قصص وكلام
دايما بيتوجه للفعل
التحدي اللي هايواجهك انك تقنعه ان يتأكد من صحة معلوماته
مش سهل توجيهه ومش سهل يعترف بالخطأ
الصح انك توصله الصح على انه عارفه من غير ماتوصله انه غلط لانه هايعند ومش هايسمع

اما الشخصية الودودة فهي عاوزة تكون مقبولة بين الناس وماحدش يرفضها فدايما هاتلاقيها بتميل للاحتماعيات والتواجد بين الناس
التحدي اللي هايواجهك انك تخليها تاخد زمام المبادرة
لازم تشوف حد قوي تثق فيه يكون جرب علشان تمشي وراه
شخصية تابعة حتى النخاع

ماينفعش ترقيها للمناصب القيادية
تلخبطلك الدنيا
شخصية خلقت لتكون تابعة وليس قائدة

اما الشخصية المعبرة دية فقصتها قصة
هي عاوزة النشاط والفاعلية
شخصية حيوية جدا
تحب تديك افكار جديدة ومجنونة ومبدعة
التحدي بقى انك تخليه يراجع ويشيك على نفسه
لما تديله مهمة خليك وراها علشان هي مجنونة
مش هاتكمله وهاتنقل على حاجة جديدة

مشكلة تحكمها القصص والمشاعر مش الحقائق
ماتحبش حد ينتقدها او يوجهها ولو حصل تشوطه على طول زي الشخصية القائدة والمسيطرة

هاتلاحظ بقى ايه
ان الشخصية المسيطرة والمعبرة بياخدوا زمام المبادرة ويجربوا الجديد ويحبوا التغيير وخوض المخاطرة وهما شخصيات تنافسية
اما الشخصية التحليلية والودودة مايجربوش الجديد بسهولة ومابيميلوش للمخاطرة وقراراتهم بطيئة
اي حاجة ماتوفرش درجة الامان المطلوبة يبعدوا عنها
لازم يطمنوا قوي للحاجة اللي بيعملوها
وهما شخصيات تعاونية وخدومة

الوقت عنصر فعال ومهم
الانضباط اساسي عند الشخصيات التحليلية والمسيطرة
ومش اساسي عند المعبرة والودودة يقولك خليك فرش وبطل تعقيد
كل واحد فينا بيكون جواه شخصية اساسية وواحدة او اتنين معاها
يعني ممكن تكون اساسا شخصية تحليلية
بس بتميل للودودة من جهة وللمسيطرة من جهة تانية
ونفس الكلام مع كل شخصية
بس مستحيل تلاقي مسيطرة ومعاها ودودة او معبرة ومعاها تحليلية
لانهم عكس بعض وضد بعض ومابيستريحوش مع بعض دايما

ياترى انت انهي واحد؟؟؟؟



رد مع اقتباس
  #2  
قديم 10-01-2017, 08:40 PM
فراج يعقوب فراج يعقوب غير متواجد حالياً
ثقة ثقة
 
تاريخ التسجيل: Dec 2008
المشاركات: 3,645
افتراضي

اللهم صل على سيدنا محمد وآله وسلم
جزاكم الله خيرا
وصلى الله على سيدنا محمد وآله وسلم
__________________
اللهم صل وسلم وبارك على سيدنا محمد كريم الآباء والأمهات وعلى آله السادات
رد مع اقتباس
  #3  
قديم 15-01-2017, 09:38 PM
المصري المصري غير متواجد حالياً
مشارك
 
تاريخ التسجيل: Feb 2014
المشاركات: 85
افتراضي

اقتباس:
المشاركة الأصلية كتبت بواسطة فراج يعقوب مشاهدة المشاركة
اللهم صل على سيدنا محمد وآله وسلم
جزاكم الله خيرا
وصلى الله على سيدنا محمد وآله وسلم

شكرا ياسيدنا على مرورك الكريم
نسألكم الدعاء لا حرمنا الله منكم
💙💙💙
رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة



جميع الأوقات بتوقيت GMT. الساعة الآن 02:17 PM.


Powered by vBulletin® Version 3.8.1
Copyright ©2000 - 2017, Jelsoft Enterprises Ltd.

تعريب » شبكة عرب فور هوست


Security By © : Rg Security v5.3
 

::+: مجموعة ترايدنت للتصميم والتطوير والاستضافه :+::

::+: ترايدنت للتصميم والتطوير والاستضافه :+::    
تابعونا عبر تويتر